Pravoslavlıqda 7 yanvar tarixinə düşür. Miladın İslamda olan analoqu - Mövlud. Xristian aləminin ən əlamətdar və təntənəli törənlərindən sayılan "Milad" bayramı ənənəyə görə İsa Məsihin Vifleyem şəhərində dünyaya gəlməsinin şərəfinə qeyd olunur. Hazırda yüzdən artıq ölkədə rəsmi dövlət bayramı sayılır. Xristianların bu bayramı qeyd etmələri haqqında ilk məlumatlar IV əsrə aiddir. Lakin xristian ənənəsində İsa Məsihin dünyaya gəlməsinin dəqiq tarixi barədə fikirlər mübahisəlidir və hakim ruhanilər tərəfindən bu məsələ hər məzhəbə görə fərqli izah olunur. İlk xristianların bu tarixlə bayram keçirmələrinin fəlsəfəsini pravoslavlar belə izah edirdilər ki, etiqada görə İsa Məsih bəşər övladı kimi "İkinci Adəm" sayılır. O mənada ki, birinci Adəm günah işləyərək bəşəriyyəti zülmətə, ikincisi isə bu günahları yuyaraq insanları Tanrı nuruna qovuşdurmuşdu. Ona görə ilk kilsə mənsubları yekdil fikrə gələrək İsa Məsihin də Adəmin yaradıldığı tarixdə, yəni ilin birinci ayının 6-cı günü dünyaya gəldiyini qeyd etmişlər. Hazırda pravoslavlar bu tarixdə İsa Məsihin vəftiz olunması bayramını keçirirlər. Qədimdə Epifani adlanan bu bayramın həm vəftizi, həm də miladı əks etdirdiyi bildirilir.
Baxılıb: 3670
Dostuna göndər
