Müqəddəs Valentin günü – “Sevgililər günü”
14 Fevral
|
 Müqəddəs Valentin haqqında bizə eramızın III əsrində Roma imperiyasının Tern şəhərində yaşaması barədə və faciəli həyatı haqqında müxtəlif əfsanələrdən bir-birinə zidd olan muxtəlif əfsanələr gəlib çatıb. Əfsanələrin birində deyilir: O zaman Romanı öz qəddar qaydaları ilə idarə edən II Yuli Klavdi muharibələrə meylli hökmdar olub. Ele bu səbəbdən də o legionerlərin evlənməsinə qadağa qoymuş, buna qədər olan evlilikləri isə ləğv etdirmişdi. Yəni Romada sevib-sevilmək qadağan olunmuşdu. Onun fikrincə subay oğlanlar hərbiyə evlilərdən daha çox yarayırdı. Ternin baş keşişi Valentin isə sevgililərə xüsusi qayğı göstərər, onlara sevgi etirafları haqqında məktublar yazmaqda köməklik edər, küsülüləri barışdırar, əl-əl gəzərək dini xütbələr oxuyar, imperatorun haqsız olduğunu camaata başa salarmış. Valentin dostu Mariusla birlikdə gənc sevgililərə gizlicə nigah bağlayarmış. Bunu eşidən II Klavdi 269-cu ildə Valentini həbs etdirir və edam olunması haqqında fərman verir. Rəvayətə görə Valentin həbsdə olan zaman öz cəlladının kor qızına aşiq olur və onu sağaldır. Başqa bir rəvayətə görə isə dustaqxana nəzarətcisi Valentinin həkimlik qabiliyyətini bilib, ondan kor qızının sağaltmasını xahiş edib. Nəzarətçinin qızı isə imperatorun qəlbinə gəlmiş keşişi – Valentini sevib. Lakin kilsə qanunlarına görə evlənməyə ixtiyarı olmayan Valentin, edamdan əvvəl nəzarətcinin qızına çox təsirli vida məktubu yazıb. Məktub Valentinin edamından sonra oxunub. Bu hadisədən xeyli sonra 496-cı ildə Roma papası Helasius Müqəddəs Valentinin şərəfinə onun edam gününü – 14 fevralı “SEVGİLİLƏR GÜNÜ” elan edir. Əslində hər şeyin necə olduğunu biz heç vaxt bilməyəcəyik. Amma onu bilirik ki, bir gənc həqiqətən də sevgi naminə həyatından keçib. Onun sevgisi yalnız bir qıza deyil, Ulu Tanrıya, keşiş və həkim kimi kömək etdiyi bütün insanlara olub.
|
 Baxılıb: 5703
 Dostuna göndər
|
