Sоvеt İttifаqı Qəhrəmаnı, ilk qаdın kоsmоnаvt Tеrеşkоvа Vаlеntinа Vladimirovnanın (1937) аnаdаn оlmаsı günü
6 Mart
|
 Valentina Vladimirovna Tereşkova 1937-ci il mart ayının 6-da Yaroslavl vilayətinin Tutayev rayonunun Maslennikovo kəndində kolxozçu ailəsində anadan olmuşdur. 1960-cı ildə Yaroslavl Yüngül Sənaye Texnikumunu, 1969-cu ildə N.Y.Jukovski adına Hərbi-Hava Mühəndisləri Akademiyasını bitirmişdir.
1955-1960-cı illərdə Yaroslavlın “Krasnı Perekop” texniki parça kombinatında işləmişdir. Yaroslavl aeroklubunda paraşüt idmanı ilə məşğul olmuş, 1962-ci ildən kosmonavtlar dəstəsində çalışmışdır.
1963-cü il iyunun 16-19-da “Vostok-6” gəmisində kosmosda uçuşda olmuş, 70 saat 41 dəqiqə müddətində yer ətrafına 48 dövrə vurmuşdur.
Tereşkova 1963-cü ildə Sovet İttifaqı Qəhrəmanı adına layiq görülmüşdür.
Valentina Tereşkova 1963-cü ildə Lenin ordeni ilə, 1971-ci ildə Oktyabr İnqilabı Ordeni, 1987-ci ildə İctimai fəallığına görə Qırmızı Əmək Bayrağı ordeni, Xalqlar Dostluğu ordeni, 2003-cü ildə Beynəlxalq elmi, mədəni və ictimai əlaqələrin inkişafı və möhkəmləndirilməsi sahəsindəki xidmətlərinə görə Şərəf ordeni, 2007-ci ildə Milli Kosmonavtikanın inkişafını öz xidmətləri ilə zənginləşdirdiyinə görə “Vətən qarşısında xidmətlərinə görə” II dərəcəli orden, uzun illər məhsuldar ictimai və dövlətçilik fəaliyyətinə görə, kosmik uçuşun həyata keçirilməsinin 45 illiyi münasibətilə idarə olunan kosmonavtikanın inkişafını şəxsi təcrübəsi ilə zənginləşdirdiyinə görə, kosmonavtikanın inkişafında, beynəlxalq elmi, mədəni əlaqələrin möhkəmləndirilməsində xidmətlərinə və uzunmüddətli vicdanlı əməyinə görə, Rusiya Federasiyası Hökumətinin Fəxri Fərmanı (16 iyun 2008, 12 iyun 2003, 3 mart 1997) –2009-cu ildə 2008-ci il humanitar fəaliyyət sahəsində əldə etdiyi nailiyyətlərə görə Rusiya Federasiyası Dövlət mükafatı ilə təltif edilib.
Doğma Maslennikova kəndinin birneçə kilometrliyində xatirəsinə həsr olunmuş “Kosmos” muzeyi fəaliyyət göstərir.
Valentina Tereşkova Rusiya, Qazaxıstan, Belorusiya, Fransa, Böyük Britaniya, İtaliya, Bolqarıstan və s. kimi ölkələrin fəxri vətəndaşı adına layiq görülmüş əfsanəvi bir qadındır.
|
 Baxılıb: 2032
 Dostuna göndər
|
